होमेन्द्र थापा
बर्दिया, बारबर्दिया नगरपालिकाका नगर उप प्रमुख अञ्जु दहितले शहिदहरुले देखाएको बाटोमै अगाडी बढिरहेको कुरा संञ्चारकर्मीहरुसंगको भेटघाट तथा छलफलमा बताउनु भएको छ ।
नगर उप प्रमुख अञ्जु दहितका अनुसार महान शहिद तथा वेपत्ता योद्धाहरुको सपना भनेको कतिखेर राजतन्त्र फाल्ने र गणतन्त्रको स्थापना गर्ने र पछाडी परेको वर्ग र समाजको मुक्तिको लागि अगाडी बढने वहाँहरुको सपना थियो । बर्दिया जिल्लामा हुकुम दास थारु, वेद प्रसाद थारु, कृष्ण थारु, बिष्णु पोख्रेल लगाएत ६४१ जना शहिद र वेपत्ता हुनु भएको जानकारी दिनु भएको थियो ।
शहिदहरुले देखाएको सपना गरिव वर्ग, मेहनती वर्गको लागि र पछाडी परेको समाजको लागि औषधी उपचारको कुरागरिरहनु भएको थियो, भने औषधी उपचारको लागि पनि स्वास्थ्य चौकीहरु प्रत्येक वडामा निर्माण गरेर अगाडी बढाईरहेको र शहिद आर.सी.थारु मेमोरियल नगर अस्पताल नामाकरण गरी संञ्चालन गरेकाछौं । यसै गरी शिक्षामा पनि लगानी लगाएर अगाडी बढनु पर्छ गरिव वर्गले एउटा स्कूलको अनुहारै देख्न नपाएको समाज छ, त्यो समाजलाई हामीले स्कूल देखाउनु पर्छ र वहाँहरुलाई शिक्षादिक्षा दिएर अगाडी बढाउनु पर्छ भन्ने कुरा शहिदहरुले राख्नु भएको थियो । सोही अनुसार हामीहरुले शहिदकै नामबाट बिष्णु धनि बहुप्राविधिक शिक्षा पनि संञ्चालन गरेकाछौं । र शहिदहरुकै नामबाट नामाकरण गरी बारबर्दिया नगरपालिकामा ७ वटा बाटोको स्थापना र पार्कहरु निर्माण गरिरहेकाछौं भन्दै उप प्रमुख दहितले भेटघाट तथा छलफलमा बताउनुु भएको हो ।
साँच्चिनै बारबर्दिया नगरपालिकाले जनयुद्धका शहिदहरुप्रति हार्दिक श्रद्धाञ्जली, वेपत्ता पारिएका परिवारजन र घाईते तथा अशक्तहरुलाई सम्मान गर्ने, कोरोना भाईरस कोभिड–१९ को महामारीमा गणतन्त्र स्थापनाका निम्ति बलिदान गर्ने बारबर्दियाका विरशहिद, वेपत्ता योद्धाका परिवारहरुलाई डाक्टर सहितको टोली घर–घरमा गई भेटघाट गर्ने, स्वास्थ्य परिक्षण गर्ने र हाईजिनिक किट बितरण गरी सहयोग गर्ने कार्यहरु पनि गर्दैआईरहेको छ ।
